Denok dakigu Flickr argazkiak gordetzeko eta partekatzeko zerbitzu bikaina dela eta bere APIa erabiliz, bere inguruan sortu diren era guztietako aplikazioen erabilgarritasuna ez dut uste zalantzan jarriko dugunik.
Gaur, horietako bat aurkeztera natorkizue, izan ere, gure blogetan argazkiak argitara emateko erraztasun ikaragarriak ematen baitizkigu. Zerbitzuaren izena Slideoo da eta jarraian azalduko ditudan urrats sinple batzuk ematea besterik ez dugu egin beharko gure blogean “slide” dotore bat jartzeko.
Hasteko, zure erabiltzaile izena sartu eta “Use your sets” (nahi duzun argazki albuma hautatzeko) edo “Your photostream” (zure argazki guztietatik hartzeko) hautatu beharko duzu. Behin hori egin eta gero, kargatzen hasiko da (nahiko azkar egiten du hau). Jarraian, slide horri eman nahi diozun zabalera zehaztu beharko duzu, portzentajea edo pixelak erabiliz. Bukatzeko, argazkiak zein neurrian erakutsi nahi ditugu hautatu eta “Create your Slideoo” sakatu. Berehala izango duzu slide hori zure aurrean eta berau blogean sartzeko behar duzun kodea. Minutu batean zure argazkiak ikusgai dituzu aurkezpen dotore batez zure blogean.