Gaur goizean, Tolosaldeko udal batek herritar guztiei igorritako eskutitza irakurtzeko aukera izan dut. Bertan, bilera baterako deia luzatzen da eta gai zerrendaren puntu bakarra honako hau:
– WiMax teknologiaren hedapena gure udalerrian. Gaia aurkezten Euskalteleko arduradunak izango ditugu.
Albiste hau irakurtzeko aukera izan dudan arren, nire harridura ikaragarria izan da ez baitut inoiz ezertxo ere entzun gai honen inguruan. Dena den, albistea gertutik jarraituko dut eta hemen argitaratuko dut bilera horretan azaldutakoa oso interesaturik bainago gai honetan, izan ere, une honetan Jakintza Ikastolako WiFIarekin konektatzen naiz eta nire etxea eta ikastolaren artean dauden 8 Km-ek abiadura nabarmen murrizteaz gain, hainbat aplikazioen funtzionamendu zuzena zaildu egiten dute (Skype, Messenger…).
Inork ba al daki zer edo zer gai honen inguruan? Euskaltelek proba piloto egiteko asmorik azaldu al du inoiz?
Post hau idatzi eta berehala ALT1040-n xMax izeneko beste protokolo baten berri izan dut. Interesgarria dirudi.