Bai, azkenean lortu dut. Hemendik aurrera ez dut uste Internet Explorer asko erabiliko dudanik, izan ere instalatu berri dudan gehigarri bati esker, Firefoxekin arazoak ematen zituzten webguneak erabateko normaltasunez ikusten ditut. Horixe da gure ikastolaren web orriaren kasua; orain arte, derrigorrez, IE erabili behar izaten nuen bertako lana egin ahal izateko. Gaur, Firefox erabili dut eta denak ongi funtzionatu du.
Ikastolako web orria Firefox-en
Harira, instalatu berri dudan gehigarriak IE Tab izena du eta egundoko integrazioa eskaintzen du. Banda Ancha-n irakurri dudanaren arabera, Windows Update eta guzti egitea lortu dute.
Gehigarri hau erabilgarri dago Firefox 1.0-tik 1.6.a1ra bitartekoentzat eta bere erabilera oso erraza da: webgune bat gaizki ikusten dela Firefox-en?, saguaren eskuineko botoia sakatu beharko duzu eta zabaltzen den menuan “View this page in IE Tab” sakatu besterik ez duzu egin behar.
Gehigarria deskargatu
Firefox Euskaraz deskargatu
Firefox azken bertsioa (Gazteleraz)
Aktualizazioa: Atzo egun osoa gehigarri hau erabiliz ibili eta gero, ez nintzen ohartu beheko barran ikono bat duela eta bertan klik eginez, Firefox-etik IEra eta alderantziz, aldatzeko aukera erraza eskaintzen duela.