Duela egun batzuk sarean gordeta ditugun argazki eta bideoak online editatzeko dauden tresna batzuen berri eman genizuen. Gaurkoan, hauen osagarriak izan daitezkeen bi aplikazio berri aurkeztu nahi dizkizuet.
iDesktop.tv aplikazioak YouTubeko bideoak kudeatzeko tresna interesgarria da. Erabilera oso intuitiboa du beraz hobena zuek probatzea da. Eskaintzen dituen aukeren artean bideoak YouTubetik zuzenean deskargatzeko (formatu ezberdin askoren artean aukeratu ahal izango dugu gainera), posta elektronikoaren bitartez partekatzeko eta gogokoen zerrendak osatzeko izan daitezke aipagarrienak.
Pviewr aurrekoaren antzera funtzionatzen du baina Flickr edo Picasako argazkiekin. Hau ere oso tresna praktikoa da sarean topa ditzakegun argazkiak ikusi, hautatu eta deskargatu ahal izateko. Botaizue bistazo bat, merezi du eta. Nik dagoeneko gehitu ditut bi webgune hauen helbideak lastermarken barrara. Seguru nago behin baino gehieagotan erabiliko ditudala biak.