Aníbal de la Torreren blogean Prrofesor Potachov de Moldavia-k bere blogean argitaratutako marrazki hauek aurkitu ditut. Nik uste dut hauxe ikusita, hitzak soberan daudela.
Educative Innovéision I
Educative Innovéision II
Educative Innovéision III
Educative Innovéision IV
Internet-en nabigatzen ari nintzela, artikulu hau aurkitu dut. ikusmina piztu dit eta orain hementxe aurkezten dizuet.
Google Sky, orain arte Google Earth-en erabili zitekeena, jadanik, web nabigatzaileetik kontsultatu daiteke gazteleraz eta beste hizkuntzetako edukiarekin.
Zerbitzu honetan, irudi historikoez gainera, datu edo irudi kapa desberdinen artean hautatu dezakezu; zeruko zona batzuetan, infragorri edo mikrouhinekin lortutako irudiak aktibatu ditzazkezu.
Google Sky bezala, beste hainbat zerbitzu eskeintzen ditu Google-k, geografia eta astronomiari buruz: Google Moon ilargia ikusteko; Google Mars, planeta gorria edo Marte begiztatzeko eta denok ezaguna izango dugun, Google Earth, Lurreko herri, hiri, lurraldeak, … ikusteko eta hauei buruzko informazioa eskuratzeko.
Espaziotik edo Lurretik, ibilaldi bat eman nahi baduzue, zerbitzu hauek erabiltzera animatzen zaituztet.
Denbora luzez egon gara albiste honen zain. Duela hamasei bat hilabete, Googleek Jotspot zerbitzua erosi zuen. Writelyrekin gertatu zen bezala, Googleek Jotspoti bere “branding”a gehitu, hobekuntza batzuk txertatu eta epe labur baten ondoren, kalean izango genuela espero genuen gutako askok. Hamasei hilabete hauetan gauza asko aipatu dira aplikazio honen inguruan; bere izena Google Sites izango dela ere jakin genuen baina ideiarik ere ez genuen noiz izango genuen aplikazio berria erabilgarri. Tira, bada egun hori heldu da. Dagoeneko abian Google Sites izeneko zerbitzu berria.
Ez dut probatu oraindik, albiste hau bukatu bezain pronto jarriko naiz lanean, baina lehen itxura oso ona da. Techcrunchen irakurri dudan albistearen amaieran zera dio:
In an interview today, Google’s Management Director of Enterprise Matthew Glotzbach called the combined products under Google Apps a “Microsoft Sharepoint killer” because it’s allowing businesses to collaborate without all that expensive Microsoft software
Agian gehiegizkoa da horrelako zerbait adieraztea. Seguru nago enpresa mailan pakete hau baino potente eta sendoagoak diren aplikazioa asko erabiliko direla. Seguruenik Sharepoint asko egongo dira hortikan zehar; baina aplikazio hauen balorea ez dago euren prezioa baizik eta egiten den erabileran. Nire ikastolan duela dezentetik hasiak gara elkarlana bultzatzen, talde bezala funtzionatzen edukien sorreran, komunikazio mailan… Jarrera honi etekin handiagoa ateratzeko tresna garrantzitsua izango da Google Apps berri hau, dudarik gabe. Askotan esan dudan bezala, tresnak baino gehiago zerbitzuak, teknologia baino gehiago giza-harremanak dira eguneroko lanari ateratzen diogun etekina ahalik eta hobena izateko. Ziurrenik aplikazio bezala ez da punta puntakoa izango, baina ikastolan dagoeneko zabaltzen ari den lan filosofiari izugarrizko bultzada emango diola ziur nago.
Aplikazioak merezi duen arreta eta denbora eskaini ondoren, hona ekarriko ditut zeintzuk izan diren nire lehen inpresioak. Laister arte beraz.
Nik uste dut oso gutxi izango direla Gmail posta zerbitzuaren kalitatea zalantzan jarriko dutenak, nahiz eta datuen erabilerarekin errezelo bat baino gehiago sortu. Portzierto, Hotmail edo Yahoo bezalako zerbitzuek ez didate konfiantza handiagorik ematen
Nolanahi ere, gaurko mezu honen helburua ez da posta zerbitzuen balorazio bat egitea, Bitelian aurkitu dudan bideo bat zuenganatzea baizik. Errusiar batzuek eginiko bideo zoragarri honekin, Gmail posta zerbitzuaren funtzionamendua oso era orijinalean ikusteko aukera daukagu. Ea tutorial guztiak era dibertigarri honetan iristen zaizkigun.
Eguneraketa: Posta zerbitzu hau geroz eta gehiago maite dut. Oraintxe bertan jakin dut bere txat zerbitzuan, “Invisible” egoera jartzeko aukera gehitu dutela. Amaitu dira, beraz, lanean ari zarenean, jendearen mezu indiskretoak. Momentuz, ingelesez bakarrik funtzionatzen du (nik horrela daukat nire Gmailen interfazea). Ikasle gogaikarri batzuek bakean utziko naute orain. 
Duela egun batzuk ooo2gd izeneko OpenOfficerako luzapenaren berri ematen genizuen. Interesgarria izan da iruzkinetan sortu den eztabaida. Gaur bertan aipatzen nuen MOfficek ez zuela sekulan garatuko euren dokumentuak GoogleDocsekin partekatzeko aukerarik eskainiko. Bada oraintxe jakin dut DocSyncer aplikazioak zerbitzu hori eskaintzen duela. Egia esan, nire baieztapena ez da guztiz okerra izan, izan ere, ez da Microsoft izan DocSyncer garatu duen enpresa.
DocSyncer probatzeko irrikaz nengoen eta, egia esaten badizuet, azkenean ez naiz probatzera ausartu. Ez zait gehiegi gustatu sinkronizazio burutzeko aplikazio honek jarraitzen duen bidea. Izan ere, erregistroa burutu ondoren nire Google Docseko dokumentuekin konexioa bermatzeko eskatzen du. Letra txikia irakurri ondoren eta Google-ek ematen dituen gomendioak arretaz irakurri ondoren, atzera egin dut badaezpada. Egia esan, nahiago dut ooo2gd luzapenak erabiltzen duen metodoa. zuetako norbaitek DocSyncer probatuko balu eskertuko nioke hementxe iruzkintxo bat uztea zer moduz funtzionatzen duen azalduz.