Kategoria: Denetarik

Gaurtik aurrera gure feed-ak helbide berria du. Aspalditik nenbilen Feedburner-ek eskaintzen duen zerbitzua erabili nahiean, batez ere, FeedFlare delako zerbitzua kaleratu zutenetik. Zerbitzu honen bitartez feed-ak balio erantsia jasotzen du. Argitaratutako artikulua jasotzeaz gain artikulua ePostaz edonori bidaltzeko aukera ematen du, bidalketaren autorearekin harremanetan jartzeko aukera ere eskaintzen du, artikuluak dituen iruzkin kopurua adierazten du, bidalketak Technoratin dituen kanpoko linken kopurua ere ematen du, artikulua zuzenearen del.icio.us-era gehitu daiteke…

Beraz, IKTeroak gustukoa baduzue eta gure bidalketak zuen feed agregatzaile kutunenean eduki nahi badituzue helbidearen aldaketa egitea tokatzen zaizue.

Azken urteotan, Windows sistema eragileak izan dituen akats ugariei etekina ateratzen ahalegindu diren birusak ezagutu ditugu, nahiz eta aspaldiko partez birusak baino troyano eta zizare infekzioak nagusitu diren. Microsoft bera, akatsak aurkitu bezain laster edo epe labur batetan behintzat(batzutan, hala ere, ez hain laburra, WMF kasuaren moduan adibidez…), partxeak ateratzen ahalegindu da.

Hala ere, lagun eta lankideen esperientziak ikusita, ematen du IKTetan jantzita daudenek edota sare eta datu pertsonalen segurtasunaz arduratzen direnek bakarrik izaten dutela partxe hauen berri. Askok, gehienera jota, Windows Xp SP2 beraien ordenagailuan instalatuta izango dute segurtasun gaurkoraketa automatikoa aktibaturik izango dutelarik, eta zorte handiarekin, sistemak berak duen suetena suebakia martxan ere edukiko dute (Microsoftek bere azken Service Pack-ean segurtasunari eskaini dion arreta bereziaren ondoriozko berrikuntza nabarmen bi izan dira hauek).

Halere, milaka makina daude oraindik Windows98, Windows2000 edo SP2rik gabeko Windows Xp sistemak dituztenak, hau da, segurtasun maila eskaseko sistema eragileak martxan dituztenak. Eta gainera P2P sareak edota Messenger zerbitzua egunero erabiltzen dutenak, inongo suetenik suebakirik gabe eta askotan antibirusarik gabe ere.

Microsoft berak gaurkoraketa automatikoekin egiten duen kudeaketarekin arazo larri bat agertzen zaigu. Jende askok, sistema eragilearen truke ez du sosik ere ordaintzen (Patapalo sistems…) eta, Microsoft egoera horren jabe denez, ez ditu gaurkoraketak baimentzen. Bakarrik, oso larriak direnak zabaltzen ditu era masiboan.

Egoera hau gainditzeko neurri hauek har daitezke:

• Sistema eragilearen lizentzia ordaindu edo sistemaz aldatu (Linux, Ubuntu adibidez, gero eta aukera sendoagoa eta erabilterrazagoa bihurtzen ari dena). Aukera hau jende askoren burutik ez da pasa ere egiten, eta horrelakoak aintzat dituztenek, ziurrenik, partxe eta gaurkoraketekin kontu handiz ibiltzen direnak dira.
• Partxeak beste nonbaitetik lortu. Bigarren aukera hau gaurkoraketa automatikoak konfiguratzea baino askoz nekagarriagoa da, baina software librearen bidea hartzeko gogorik ez badugu, geratzen zaigun bide bakarra da.

  Partxeak lortzeko modu errez bat Hispasec webgunearen posta zerrenda dugu. Posta zerrenda honen izena, “Una al dia”, bere izatearen adierazgarria da: egunero sistemen segurtasunarekin lotura duen albiste bat gutxienez bidaltzen da. Albiste hauen artean askok “mortaleentzat gorenegiak” badira ere, beste asko eta asko oso lagungarriak dira. Hauen artean Microsoftek ateratzen dituen partxe eta gaurkoraketa guztien inguruko berriak ditugu, Microsoft-en webgunetik jaisteko hiperesteka zuzenak ematen dituztelarik.
  Beraz, laguntza honi esker ekipoak gaurkoratzeko aukera dago. Aukera hau, sistema eragileak ordainduak dituen eta bere sarean gertatzen den guztiaren berri izan nahi duen IKT dinamizatzaile/sare administrariarentzat oso interesgarria izan daiteke, partxeen eta gaurkoraketen hautaketa kontziente bat egin ahal izateko eta bide batez banda zabalera aurrezteko.

  Hispasec-etik mezuak jasotzeko bi aukera daude, RSS feed honen bitartez edo posta zerrenda honetan izena emanda.

• Azkenik, firewall edo sueten suebaki “dezente” bat instalatu, ZoneAlarm adibidez. Dohaineko bertsio laburtuak bere lana primeran egiten du eta seguruenik instalatu bezain laster harrituko zaretela zuen ordenagailuak dituen ezkutuko harremanen berri jasotzen dituzuenean…

Geroa hemen dugu!!

Laister IKTeroak izan beharrean Matrix-eroak edo Minority Report-eroak (gogoratu Tom Cruise-ren pelikula) bezala izendatu beharko gaituzte!!

Ez didazue sinesten?

Joan helbide honetara eta bertan dagoen “bideotxoa” ikusi (5 minutu inguru irauten du). NYU-ren (New York-eko Unibertsitatea?) gauza da.

Bideoa flash moduan dago, beraz pluging-a instalaturik izan behar da. Ez baduzu instalaturik Macromediatik jaitsi daiteke.

Irrikitan nago horrelako “traste” bat ikastolan izateko!!!

Blogen mundu honetan hasi nintzenean, ideiarik ere ez neukan informatikako hizkuntzez. HTML, RSS, CSS, SCRIPT… bezalako kontzeptuak arrotzat ziren niretzat. Baina jakin-mina beti izan ohi da irakaslerik hoberena eta, horretaz baliaturik, “saltseatzen” hasi nintzen. Denbora dexente eskaini behar zaio, ez dut hori ukatuko, baina gauzak ongi ateratzen hasten direnean, lortzen den satisfazio pertsonalak balio hirukoitza du. Orain, nire lanerako baliagarriak izan daitezkeen tresnak sortzen ahalegintzen ari naiz. Nolanahi ere, ez dut eginiko ariketen emaitzak jasotzeko modurik aurkitzen. Bideren bat ezagutzen baduzu, zure ekarpena eskertuko genuke.

Oraingo honetan, Lehen Hezkuntzako ikasleen blogean jarri ditudan ariketak hemen azaldu nahi dizkizuet. Bi ariketa hauetan bertan, editatzeko aukera ematen zaigu. Beraz, egin behar duzuen gauza bakarra klik bikoitza da. Hori egin ondoren, eremuaren barruan nahi duzuen testua, kodea, irudia… sartu ahal izango duzue. Gaurkoz nahikoa da bi adibide hauekin, baina zin dagizuet beste batzuek prestatu bezain azkar, hemen argitaratuko ditudala eta, gainera, ekoizteko jarraitu beharreko pausuak ere azalduko dizkizuet.

Ondorengo eremuan, klik bikoitza egin beharko duzu eta agertzen den istorio horren amaiera idatzi beharko duzu.

Pernando Amezketarra

Abaltzisketako jaiak San Juan-egunean izaten dira. Oi zuan bezela, joan zan Pernando Amezketarra ere norbaitek bazkaltzera bere etxera eramango zualakoan, baña goiz guzian gora ta bera bere burua erakusten ibilli arren, iñork ez zion ezer esan…

Ai ene! Flash programak ospe txarra dauka! Bai, animazio onak, interaktiboak eta oso konprimatuak egiteko balio du, baina ikasteko denbora eta buruhausteak behar ditu, ezta?

Beno ba, lasai egon. Horretarako denborarik ez baduzu, Flash animazioez ere goza zaitezke zure pertsonalitatearen arabera:

–Alferrontzia: SWISH erabili. Askoz ere denbora gutxiagoan etekina aterako diozu. Zertxobait mugatuagoa da, baina egunen batean langile sentitzen bazara kodean ere sar zaitezke (hau logalea!).

–PPTeroa: Power Pointekin erromantze iraunkorra duten horietakoa baldin bazara, zure ikasleentzat 1.500 ppt egin badituzu, ez kezkatu. Programa honek zure Power Point maitean botoi bat agerrarazten du, bertan klik egin eta voilà!, aurkezpena flash bihurtu da (I love you Bill Gates).

–Literaturazalea: Zurea literatura baldin bada, aplikazio honek flash moduko testuak soilik egiten ditu, oso ondo gainera (Zertarako irudiak hitzak badaude?).

–Kopiati: Munduan dena asmatuta dagoela uste baduzu, hemendik pasa eta jadanik norbaitek sortu duen animazioa manipula dezakezu. Hala ere, ez manipulatzen molestatu, seguru dagoen bezalaxe primeran iruditzen zaizula. Ez zara japoniarra izango?

Zinezalea: Gustukoena bideoa duzu, ezta Spielberg? Camtasia Studio aholkatzen dizut. Zure eszenak grabatu (zure ahots gardena barne) eta flash bihurtu. Argia! Kamara! Ekin!
Hala ere, dirurik ez baduzu (life is hard, Steven!). Wink programa zertxobait apalagoa da, baina doakoa. Animo, egunen batean Broadway zure oinetara eroriko da.

Langile amorratua: Arrazoi osoa duzu. Azken finean onena Macromedia Flash da. Denbora eta pazientzia badaukazu, manual honi begiratua eman.
Zorte on guztioi!