Hilabetea: ekaina 2005

Gertatzen ari da, ikusten ari zara

Jakintza Ikastola

Barkaidazue izenburua idazteko egin dudan itzulpen “txuskeroarengatik”. CNN+ telebista kateak “está pasando lo estás viendo” zioen bere propagandan eta nik euskaratzea erabaki dut Jakintza Ikastolako web orrialdean dugun izaera islatu nahirik.

Gaur bertan Ikastolaren Eguna ospatu dugu eta ekintzak 14:30ean amaitu diren arren, 15:00etarako argazkiak jarrita zeuden. Nolanahi ere, argazki kamera batekin izandako arazo teknikoengatik ezin izan ditugu argazki guztiak eskegi. Astelehenerako jartzen ahaleginduko gara. Horretaz gain, IKTerook grabatu ditugun irudiak Goierri Telebistan ikusteko aukera izango dugu, eta datorren astean laburpen bat web orrialdean ikusgai izango dugu.

Bestalde, atzo eguerdian selektibitateko emaitzen berri izan bezain laster albiste pozgarria (urtero bezala, ikasle guztiek gainditu baitute ) zintzilikatu genuen.

Web orrialdea publikoa egin genuenetik, egunerokotasuna eman nahi izan diogu eta, hein handi batean, lortzen ari garelakoan gaude, nahiz gauza asko hobetzeko gelditzen zaigun.

Bukatzeko, azkenaldi honetan ikasle, irakasle eta gurasoen partaidetza asko murriztu dela aipatu nahiko genuke eta hemendik gonbitea luzatu nahi dizuegu, hasieran bezala, foroetan, inkestatan, albisteetan… parte har dezazuen.

Berrikuntza gehiago Skype-n

Mugimendu handiak ematen ari dira aspaldi honetan VoIPren inguruan orokorrean eta Skype-n inguruan konkretuki. SkypeJournal webgunearen bitartez jakin dugu Skype-n bitartez bideokonferentziak egiteko aplikazio berri bat sortu duela SCN enpresa estatubatuarrak. Orain dela egun batzuk antzeko software baten berri eman bagenizuen ere, oraingo honek abantail garbi bat du harrekiko: multibideokonferentziak egiteko aukera ematen du, alegia, une berean pertsona bat baino gehiagorekin audioa eta bideoa trukatzeko aukera eskaintzen du. Behean ikus daiteke aldi berean sei pertsonen arteko elkarrizketa baten argazki bat. Aplikazio berri honen izena vSkype da eta oraindik beta fasean egon arren, hemendik eskura dezakezue.

Bestalde, Eduardo Arcos-en bitakoran, duela egun pare bat IPdrum enpresak eskainiko duen zerbitzuaren berri izan genuen. Enpresa honek kaleratu berria du bere IPdrum Mobile Skype Cable zerbitzua. Honen bitartez Skype-ko erabiltzaileok telefono mobilekin konektatzeko aukera izango dugu dei lokal baten prezioan. Badirudi zerbitzua abuztuan jarriko dela martxan.

Informazio gehiago: Genbeta eta Prnewswire

DivX 6, codec bat baino gehiago

Genbetan irakurri dudanez DivX etxeak bere azken produktua aurkezten digu: DivX6 zeinek DivX® Media Format aurkezten duen.

DivX® Media Format-ekin etxe honek aurrerapauso bat ematen du bideo codec bat baino gehiago izateko bidean; trinkotzeko ahalmen hobea eta oso ezaugarri interesgarriak aurkezten ditu:

  • Azpitituluak editatzeko aukera ematen du
  • Trinkotutako formatuan nabigatzeko aukera
  • Audio pista desberdinak fitxategi batean
  • XTAG bideo etiketak informazio ugari eskainiz
  • ….

DivX-aren bertsio berri honekin honako aplikazioak datoz:

Gainera, nahi izanez gero, aplikazio horiek biltzen dituzten bi pakete ere aurki ditzakegu: DivX Create Bundle eta DivX Play Bundle .

Ingelesa on-line

Ikusten duzuen bezala, IKTerook lanean dihardugu ahalik eta baliabiderik gehien eta interesgarrien modu erraz eta erakargarrian zuen eskura jarri ahal izateko. Euskararekin hasi ginen, bidean frantsesa eta matematikaren inguruko aipu batzuk eman eta, orain, ingelesezko on-line baliabideen zerrenda aurkeztu nahi dizuegu.
Bitarteko horien artean hiztegi mordo bat, gramatikak, jokoak, itzultzeko tresnak eta ariketa anitz aurkitu ahal izango dituzue edo, kasu honetan behar den bezala esanda, you will find many English dictionaries, several grammars, translation services, fun and games, quotations, language resources and useful links.
Datorren asterako prest izango dugu oinarria zuen laguntzaz osatzen joango garena (euskarazko baliabideen aldamenean kokatuko dugu). Zerbait falta dela iruditzen bazaizue, idatzi lasai eta osatzen saiatuko gara!
To be conscious that you are ignorant is a great step to knowledge. Benjamin Disraeli

Frantsesa jorratzeko baliabideak

Aurreko mezu batean magic-ek zioen bezala lanez gainezka gabiltza azken egun hauetan. Ekaineko ebaluazioa gainean dugu eta honetaz gain ikasturte amaieran sortzen zaizkigun bestelako lanak direla eta, tajuzko mezuak idazteko paradarik ez dugu hartzen.

Bitartean, irakasgai desberdinetan erabil daitezkeen baliabideen berri eman nahiko nuke. Atzo giza zientzien inguruko helbide pare bat aurkeztu nituen bezala, gaur frantsesaren txanda tokatzen da. Igorringo weblog berriaren bitartez ezagutu dut frantseseko webgune interesgarri hau. Mota guztietako baliabideak topa daitezke. Egia esan ni ez naiz frantsesean oso iaioa baina oso orri konpletoa dirudi.

Eguneratzea 2005-06-14: atzoko albistearekin jarraituz hona hemen Madrilgo institutu batek proposatzen dituen ariketa sorta bat DBH eta batxilergorako. Hauen artean interesgarrienak ahozkotasunaren ulermena lantzeko ariketak dira. Hauetako bat webgune honetan aurki dezakezue. Ideia interesgarria izan daiteke ahozko hizkuntzaren ulermena lantzeko beste edozein hizkuntzetan ere.