Keyhole-k garatu eta Google-k erosi zuen programa hau dagoeneko eskura dugu. Lehenago ia 30$ urteko balio zuen programa hau dohain hemen deskarga dezakegu baina, hori egin aurretik, hemen begiratu ziurtatzeko zure ordenagailua baliagarria den ala ez.
Zalantzarik gabe, albiste pozgarria software librearen alde gaudenontzat. Hala ere, zerbitzu honek aukera gehiago eskaintzen ditu eta “PLUS” eta “PRO” bertsioak ere atera dituzte ordaintzeko prest daudenentzat. Informazio gehiago Google.dirson-en.
Zoragarri pasa genuen atzo magic-en etxean. Lastima TAUk partidua galdu izana!
Gran Faro blogaren bitartez jakin dut kalean dela Windows Xp-rentzako theme berria.
Theme-a deskargatzeko jo dezakezue Microsoft-eko helbide honetara.
Fisika-Kimika irakasten dutenek euren ohiko eskema aldatzen joan beharko dute. Gela batera joan eta materia azaltzerakoan ezin izango dute gure irakasleek guri esaten zigutena esan: “materia hiru egoeratan aurki daiteke:solidoa, likidoa eta gasa”. Nik dakidala, behintzat, orain arte bost ziren materiaren egoerak: arestian aipaturikoak gehi plasma eta Bose-Einstein kondentsatua.
Bada, horiei beste bat gehitu beharko diegu gure saio lektiboetan azaltzeko. Barrapunto blogean irakurri dudanez, MIT-eko fisikari talde batek materiaren egoera berri bat sortu du. Fermioiez osaturiko gas bat omen da zeinek tenperatura oso altuetan superfluido edo fluido perfektu baten izaera hartzen duen.
Diotenez, superfluido berri honen ikerketak tenperatura altuetan supereroankortasunaren inguruko zalantzak argitzeko balioko du.
Batek daki gure bilobak ikastolara iristen direnerako materiaren zenbat egoerekin topatuko diren.
Idatzi labur honen bitartez, abeslari bikaina eta gure ikastolako irakaslea den Anariri, aukera bat erakutsi nahi diot bere diskoak beste modu batez argitaratzeko. Gauza bera musikaren mundu horretan lehen urratsak eman nahi dituzten gazte eta ikastolako ikasleei.
Dagoeneko, asko dira Musika Askea argitaratzen hasita daudenak eta beste batzuek SGAEren jardun mafiosoa nola saihestu asmatu dutenak.
Bitxia da oso editorea eta egilea pertsona bera denean sortzen den egoera; Escolar.net-en oso ongi adierazita dago Gomaespumakoei gertatutakoa.
Horrelako egoerak ez errepikatzeko, batzuek asmatu dute , SGAEri sosik ordaindu gabe, disko bat argitaratzeko egin daitekeena.