Azureus BitTorrent bezero ezagunaren sortzaileen eskutik, Zudeo izeneko zerbitzu berria iristen zaigu.
YouTubek eta antzeko zerbitzuek eskaintzen duten kalitatearekin gustura ez bazaude, hementxe daukazue aukera on bat kalitate handiko bideoak jaisteko. Zerbitzu honen funtzionamendua oso samurra da BitTorrent funtzionamenduarekin ohituta daudenentzat eta sistema horrek duen ahalmenaz baliatzen da fitxategi handi horiek jaisteko.
Zerbitzu honetan, edonork igo dezake bere bideoa eta besteon eskura jarri BitTorrent-en bidez eskuratzeko. Baina ez da hori zerbitzu honek eskainiko digun aukera bakarra; egileek diotenez, telebista eta zineko 12 enpresekin hitzarmen bat sinatu dute euren produktuak sare honen bidez banatzeko. Hauetako batzuek DRM eramango omen dute eta beste batzuek salduko dituzte tresna hau erabiliz.
Egia esan, oraindik ez dago beste munduko gauzarik, baina froga batzuk egin ditut eta aitortu beharra daukat liluratuta utzi nauela. Izan ere, oso azkar jaisteaz gain, bideoen kalitatea goi mailakoa iruditu zait.
Zalantzarik gabe, interneteko kalitatezko telebistaren hastapenetan egon gaitezke.
Iturria: FayerWayer