Gauza jakina da sareak geroz eta baliabide gehiago eskaintzen digula eta hauen kalitatea nabarmen igotzen ari dela. Orain arte, blog honetan, baliabide horietako batzuen inguruko informazioa zabaldu dizuegu eta, aurkezpenen munduan, honako hauek nabarmenduko nituzke:
- Empressr, honi buruzko artikulua.
- Zoho Show, honi buruzko artikulua.
- Thumbstacks, honi buruzko informazioa.
Zerrenda hau osa daiteke aski ezaguna den beste zerbitzuarekin: Slideshare. Zerbitzu horren bitartez, aurkezpenak gorde, sailkatu eta partekatu daitezke.
Gaurkoan, beste zerbitzu berri batekin gatozkizue: Spresent. Gaur bertan ezagutu eta frogatu dudan gune berri honek aukera interesgarriak eskaintzen ditu. Dena den, luzatzeko asmorik ez daukadanez, jarraian aipatuko dizkizuet nik ikusten dizkiodan berezitasunak:
- Flashen egina dago
- Ia mahaiko tresna batek dituen aukera berdinak ditu
- Eskuz marrazteko aukera
- ClipArt fitxategiak
- Web irudiak jartzeko aukera
- Trantsizioak eta hauek pertsonalizatzeko aukera
- Taulak, grafikoak, testua, botoiak…
- Partekatzeko aukera
- Embed kodea edota HTML kodea zure web orrian jartzeko
Nolanahi ere, beste aukera batzuk ere ikusi dizkiot, nahiz eta oraindik erabilgarri ez dauden (niri behintzat ez dit uzten erabiltzen). Hala nola:
- Soinu fitxategiak sartzeko aukera
- SWF fitxategiak sortzeko aukera
- Soinuak grabatzeko aukera
Nik uste dut, zerbitzu berria izanik, zailtasun batzuk izango dituztela eta azken aukera horiek joango direla aktibatzen.
Bukatzeko, aurkezpen txiki bat egin dut adibide gisa jartzeko. Saiatu naiz gauza ezberdin batzuk jartzen eta, agian, jorratzen dudan gaiak beste euskarri bat mereziko luke, baina igandea da eta beste baterako utziko dugu. Izan ere, Alianzoren Hezkuntzako Rankina begiratu dut eta IKTeroak estatuko bigarren bloga agertzen da. Anibal de la Torre edo Docencia.es bezalako guneen aurretik agertzea deigarria iruditzen zait eta, boteprontoan, bi ondorio etorri zaizkit burura:
- Rankina ez dago ongi
- Espainiako Hezkuntza uste genuen baino okerrago dabilela
Nola liteke euskaraz idatzitako blog bat Espainiako bigarrena izatea?. Ezin sinisturik nago