Holografia, teknologiaren hurrengo iraultza?

Hamaika aldiz entzun ditugu teknologiaren abiadura ikaragarriari buruzko aipamenak baina, errealitateak, beste behin, fikzioa baina harrigarriagoa da. Ostiralean, diska unitate berri bat aurkeztu baitzuten. Diska berri honek atzean uztiko ditu gaur egun erabiltzen ditugun euskarri guztiak: CD , DVD , …

Holodiska

Diska holografikoaz ari gara. Bere ezaugarriak ikaratzeko modukoak dira: 200 Gb hatz kuadro bakoitzeko eta 27 Mb-eko abiadura datuen transferentzietan. Honek zer esan nahi du? Bada, 2009rako 1,6 Tb-eko (1600 Gb) unitateak izango ditugula merkatuan. Baina aparatuak funtzionamenduan ikustea gustuko duzuela dakidanez, hemen ikus dezakezue bideo bat 3D gordetze optikoari buruz eta hemen beste bat diska horren prototipoari buruzkoa.
Informazio gehiago nahi izanez gero k(i)likatu hemen.

Albiste hau Xatakan aurkitu dut.

SMSak Messenger 7rekin

Aurreko mezu batean Messenger berriak SMSak bidaltzeko aukera eskainiko zuela adierazi nizuen. Beno ba, gaurtik aurrera zerbitzu berri hori martxan da zazpigarren bertsioa duten erabiltzaile guztientzat. Messenger-a erabiltzen dugunon 7 milioietako bat bazara jakin ezazu SMS bat bidaltzeko nahikoa dela zure kontaktuen zerrendan mezua bidali nahi diozun kontaktuari, posta elektronikoaz gain, telefono mugikorra gehitzea. Mezuen hartzaileak (ez da beharrezkoa Hotmail-eko kontu bat edukitzea) nahi izanez gero mezuari erantzuteko aukera ere izango du, erantzuna atzerrira mezu bat bidaltzea bezala kostatuko zaiolarik.
Zerbitzu hau erabiltzeko bonu batzuk jarri dira sagai: 3,99 eurotako bat 25 mezu bidaltzeko aukera ematen duena, beste bat 6,99 eurotakoa 50 mezurentzat eta 19,99 eurotako beste bat, 150 mezu bidali ahal izateko.
Informazio gehiago nahi baduzu klikatu hemen

Teknologia Berriak amodioaren mesedean

Ezagunak dira Internetaren ingurumarian sortu diren harremanetarako guneak eta bertatik sortu diren bikoteak, ospatutako ezkontzak, … Baina, dirudienez, teknologiak ez du mugarik.


Atzo, albisteak arakatzen nenbilela, hara non topatu nuen Engadget-en albiste xelebre hau. Egia esan, ez nion garrantzi handiegirik eman baina, gure IKTeroen taldean dagoen beharra ikusita, albiste horren inguruko posta eskegitea erabaki nuen.
Albiste hau kamiseta baten ingurukoa zen. Ez nolanahiko kamistea, ordea. Lycraz eginiko kamiseta honek sentsore berezi batzuk ditu eta horiei esker besarkada baten sentsazioa jaso dezakezu. Sentsore horiek aktibatzeko nahikoa da SMS mezu bat bidaltzea. Honela, jantzita duzunean mezu bat bidaltzen badizute oso erreala den besarkada baten sentsazioa izango duzu: tenperatura igotzen da, bihotz taupadak antzematen dira, laztanak, … SINISTEZINA. Kamiseta honekin egin daitekeen moduan, berdin egin daiteke almohadilla batekin, labe batekin, …
Informazio gehiago nahi izanez gero sartu INDEX en web orrialdean. Ea IKTeroren bat animatzen den!!!

EGAko ohiko ariketekin nazkatuta?

EGAko ohiko ariketekin nazkatuta?

Bada betiko materiala modu ezberdinez erabiltzeko garaia!
Azken urte hauetan teknologia berrien erabilera areagotu egin da arlo guztietan dakizuen bezala, baita euskararen arloan ere.
Nafarroako Gobernuko Hezkuntza eta Kultura Departamentuak EGAko atariko proba ordenagailuz egiteko aplikazio informatiko bat garatu du. Aplikazio hau martxan jartzeko Access programa beharrezkoa da eta, ez duzuenok bertatik jaits dezakezue dohainik (Access 97 eta Access 2000 daude eskuragarri).
NONDIK SORTU DA PROGRAMA HAU?
Ikusita ordenagailu batek automatikoki zuzenketak egiteko aukera ematen zuela, eta gainera “Atariko proba” oso ariketa objektiboa zela, “atariko proba” moduko ariketak sartzea bururatu zitzaien irakasle batzuei. Irakasleok hainbatetan ikusten dugu liburuetan eta klasea ematean, azterketak egiten direla, eta ez irakasteko saioak; hau da, ariketak nahasian ematen dira, ez baita ezer zehatzik lantzen. Horrela programa garatu dutenen asmoa zen zerbait irakasten hastea (esaterako mugagabea) eta gero aprobetxatu “atariko proba” horren inguruko ariketak egiteko. Honek atariko probako ariketak gaika sailkatzea eskatzen zuen, gero fotokopiak egin, zatitu, itsatsi, berrantolatu eta… Lan itzela liburuetan! Baina ordenagailu bidez, behin eginda, betiko gelditzen zen erabilgarri sailkatze lan mardul hori. Beraz, programa honetan ariketa guztiak sailkatuta dituzue eta, ondorioz, zeuen esku dago zerbait zehatza lantzea edo ariketak nahasian egitea. Horretarako bi botoi dituzue beheko aldean: “azterketak” eta “aukeraketa”. “Azterketak” botoia sakatuz gero, ariketak nahasian egingo dituzue baina multzoka. Bestea, “aukeraketa” sakatuz gero, sailkapen orokor bat agertuko zaizue, eta honen azpian beste sailkapen zehatzago bat, eta beronen azpian azken sailkapena, zehatzena. Esaterako –> “hiztegia” –> “ animaliak”—->
Bestalde, gaizki egindako ariketen txostena izateko aukera garatu dute (egunen arabera sailkatuta). Horrela paperean atera ditzakezue eta lasai ederrean nahi duzuen tokian berrikusi.
Askoz ere gauza gehiago esan nezake baina onena bertara jotzea izango duzue. Azkenik, honen inguruan interesik badago, hurrengo batean irakasleentzat material honekin klase bat antolatzeko errezeta moduko zerbait emango dut. Baita EGAko azterketak ordenagailu bidez egiteko beste helbide batzuk ere. Animatu eta erabili!

Argazki kamera berria

 

Denbora luzez argazki kamera “definitiboaren” ;-) bila ibili ondoren, pasa den asteartean hartu nuen erabakia: nire nahiak asetzen dituena, nire eskakizunei erantzuten diona, Pentax Optio S5n argazki kamera izan da.

Bilaketarekin hasi baino lehen kamerak bete beharko lituzkeen baldintzak zehaztu nituen:

  • Sistema optikoa izeneko etxe batekoa izatea, betidanik argazkigintzara dedikatu den etxe batekoa, alegia.
  • Tamainaz txikia, poltsikoan eramateko modukoa.
  • 5 Mpixel-etakoa gutxienez.
  • Bideoa grabatzen duena
  • Nire agendarako ditudan SD memoria txartelekiko konpatiblea izatea
  • 300 € ingurukoa.

Baldintza hauetan oinarriturik modelo desberdinak topa nituen (Canon Digital Ixus 50, Olympus µ-mini digital S, Casio Exilim EX-Z55, Sony Cibershot DSC-T3,….) eta azkenean Pentax-eko modeloa erostea erabaki nuen. Pixmanian erostea erabaki nuen. Eskaera egin eta bi egun barru argazki kamera eskuetan nuen.

Bateria kargatu bezain pronto, kalera atera eta argazkiak ateratzeari ekin diot. Lehenengo inpresioa benetan ezin hobea izan da. Txikia izan arren, bere aluminiozko karkaxari esker, sendotasun sentsazioa transmititzen du. Oso erabilerraza da, menu ugari ditu edozein egoerari arrakastaz aurre egiteko. Flash indartsua du. Benetan harrituta naukana bateriaren iraupena da; flash-arekin argazki ugari atera ondoren oraindik ez dut berriro kargatu behar izan. Agian punturik ahulena bideoarena da baina, zer demontre, bere zeregina argazki onak ateratzea da!. Hortxe ipintzen dizuet, goiz eder batean, Ordiziak duen itxura nire argazki kamera berriarekin jasota. Zuek erabaki!