IKTeroak bloga berriro martxan jarri dugu. Urte pare bat geldirik egon ondoren eta gunearen ohiko kokapena utzita, garai berri bati ekin diogu. 2005ean hasi ginen guztiok ez bagaude ere, betiko moduan saiatuko gara.
Duela ia sei urte, IKTeroak izeneko bloga Blogsome zerbitzu irlandarrean abian jarri genuen. Era askotako bizipen eta faseak bizi izan ditugu urte horietan guztietan. 2009a, urte berezia izan zen eta gauza askoren ondoren, gure jarduna eten zen.
Ia bi urte pasa dira eta gauza asko aldatu dira bai ikastolan, bai sarean eta baita gizartean ere. Ez dakit aldaketa horiei egokitzeko nahiko ahalmena izan dugun, nostalgikoak ote garen edo aspertuta bizi garen. Kontua da berriro hemen gaudela gure ekarpen xumea egin nahian. Presarik gabe eta pretentsiorik gabe.
Horixe, orain arte gurekin izan diren Blogsomeko lagunei, lagun eta lankideei eta jarraitzaile guztioi, mila esker.
