Kaixo, euskaltzaleok! Lehenik eta behin, jonmik-i ongi etorria eman nahi diot eta, bidenabar, animatu bere ikasgaiarekin lotura duen ezagutza tresna honen bitartez zabaltzea; izan ere, bera teknologia hauetan hain trebea izanik, ziur nago gure jakin-mina piztuko duela!
Baina gatozen harira! Nik neure gaiarekin jarraituko dut eta azken aldi honetan ezagutu dudan erabili.com-en aurkitutako tramanakulu-hiztegi bati buruz hitz egingo dizuet. Bertan, etorkizuneko eskuko hiztegiei buruz informazio interesgarria azaltzen da.
PDA eskuko ordenagailu txiki batetik Euskal Hiztegia, Hiztegi Batua, Hiztegi Modernoa eta Sinonimo Hiztegia kontsultatzeko aukera garatu dute HIZTEK “Hizkuntza Teknologiak” masterrean.
PDA batean jarri ahal izateko web orrialde bat egin da, web orrialde hori web zerbitzari batean dago eta EHUko zerbitzariarekin harremanetan jartzen da. Sistema honi esker, edozein tokitan eta edozein momentutan jakin dezakegu hitz baten esanahia edo nola esan hitz bat beste hizkuntza batean. Gehiago jakin nahi izanez gero, bertara jotzea besterik ez duzue. Benetan interesgarria, ezta?