Kategoria: IKTak eta irakaskuntza

juegosdeingenio.org orriaren bitartez “Historia interactiva multifurcada” webgunearen berri izan dut. Bertan ondorengo komentarioa egiten dute webgune honi buruz:

En la Historia interactiva multifurcada es el lector quien decide qué continuación sigue leyendo, y si ninguna de las que se ofrecen le satisface puede escribir de inmediato la suya propia. Es un proyecto de Marcos Donnantuoni y todos están invitados a participar. La interfaz es simple y amable; como es de esperar, las historias se vuelven extrañas y sugerentes con mucha facilidad.

Interesgarria izan daitekeela iruditu zait gure Bigarren Hezkuntzako ikasleekin erabiltzeko. Denok dakigu zenbat kostatzen zaien euskaraz nahiz gazteleraz idazten.

Horrelako webgune bat euskaraz sortzeko aukera egongo balitz, agian, Maitek aurreko batean Sustatun planteatzen zuenari jarraituz, bere ikasleekin erabili ahal izango luke. Auskalo!

Gaur IKTeroak gure blogak hilabete bat betetzen du . Hilabete bateko denbora tartea “asko” edo “gutxi” ote den baloratzea zaila izaten da askotan. Bitakora martxan jarri genuenean garbi genuen, lehenengo hilabeteetako lana garrantzitsua izan arren, erronka nagusia bitakora epe luzeagoan bizirik mantentzea zela. Horregatik pentsatzen genuen hilabete bateko denbora epean ezer “gutxi” egiteko aukera izango genuela. Baina, 31 egun hauetan izandako bizipenen ondorioz esperientzia “asko” bizi izan ditugunaren sentsazioa daukagu.

Azken egun hauetan ideia interesgarri bat darabilkigu buruan IKTerook. Kontua da orain dela bizpahiru egun Blogsome-en bitakora bat duen beste irakasle baten webgunea bisitatu nuela. Ni bezala Bigarren Hezkuntzako irakaslea da Larderoko La Laboral-eko institutuan eta ni bezala blog-ek irakaskuntzan eduki dezaketen erabilgarritasunetaz konbentzituta dago. Irakurri nuenean berehala jarri nintzen berarekin harremanetan eta, ia konturatu gabe, martxan daukagu elkarlan proiektu bat. Hemen ipintzen dizuet berak bidalitako korreoan proposatzen didana:

…Respecto a compartir ideas sobre la utilización de los blogs en la enseñanza, estoy abierto a que todo lo que podamos ir aprendiendo a compartirlo. Y la primera idea que se me ocurre y que podiamos ir madurando, es a crear un blog en común entre los dos centros. Esta idea quería llevarla a cabo con algún centro de aquí de La Rioja, pero todavía no he obtenido respuesta. La idea es simple y a la vez yo creo, que sería muy interesante….

Nik uste dut ideia hau ondo aztertu behar dela. Datorren asteartean, ohi den bezala, IKT taldea bilduko gara eta bertan aztertuko dugu zer eta nola gauzatu daitekeen proiektu hau. Berak ideia batzuk bota ditu:

…El blog tendría en cuanto a los dos centros una recopilación de noticias que surgieran en cada centro, pero que estaría abierto a internet. Piensa un poco en lo que esto supondría. Habría un conocimiento muy rico, primero entre los dos centros y luego sería muy motivador para otros centros. Esto con los blogs yo creo que sería muy facil de hacer. Se podrían utilizar claves de acceso comunes o tener en el mismo sitio dos blogs bastante diferenciados. Esto último creo que se puede hacer, aunque todavía no sé como, con wordpress.
En cuanto a los profesores. Tratariamos que los profesores de nuestos centros compartieran recursos, ideas y todas las cosas que se nos ocurrieran para que se utilizaran con los blogs. Y así podríamos tener más posibilidades de enriquecer nuestra labor…

Datozen egunetan komentatuko dizuet nola dihoan asuntoa baina benetan interesgarria izan daitekeela iruditzen zait.

Gure begiek informazio izugarri eskaintzen digute eta, askotan, emandako informazio horretaz baliatzen gara gure erabakiak hartzeko. Dena den, horren beharrezkoak ditugun begi horiek ez dira oso fidagarriak, izan ere, ematen diguten informazioaren interpretazioa egiten dugunean, gauza asko “inferitu” egiten dugu. Hori bai hankasartze sakona!!! Web honetan begiratuz gero, ohartuko gara ezin garela ezertaz fidatu. Hemen ere aurki ditzakezu beste motako efektuak, bitxikeriak… Hau ere ez dago gaizki. Beste honetan gehiago. Hemen nahiko erraz ikus daitezke beste batzuk. Bukatzeko,diseinuan interesaturik bazaudete, hemen informazio esanguratsua aurkituko duzu gure begien okerrak saihesteko.
Dena den, ikusmenaren akats horiek aitzaki bat besterik ez da beste gai bat proposatzeko. Artikulu honekin, irakasleei mezu bat bidali nahi diet euren ikasleen iritzi kritikoa sustatu eta bultza dezaten. Gaur egun, ohiko hedabideen bitartez manipulatutako informazio ugari iristen zaigu, bultzatu nahi ditugun baloreen aurkako mezuak… Horrek guztiak eragina nabarmena du gure eguneroko lanean eta, behin baino gehiagotan, egungo hezkuntza ereduak ez digu gehiegi laguntzen. Nolanahi ere, teknologia berriei esker (aukera bakarra ez izan arren), gauza batzuk aldatzeko aukera daukagu eta ezin dugu inolaz ere aukera hori alferrik galtzen utzi. Hone hemen sarean aurki ditzakegun adibide batzuk ( asko daude ) :

Sustatu ( Euskal webloga, anitza eta independientea )
Sarean ( Euskal webloga, kultura librea aldarrikatzen duena)
Indymedia ( Iritzi kritikoa sustatzen duen gune euskalduna )
Nodo50 ( Kontrainformazioa euskaraz, gazteleraz… )
Escolar.net ( Iritziz beteriko webloga, gazteleraz )
Periodistas 21 ( Gazteleraz idatzitako webloga )

Atzo gauen tarte bat hartu nuen aspalditik utzita nituen nire feed-ei bistazo bat botatzeko. Batetik bestera saltoka ibili nintzen zerbait atseginaren bila eta, halako batean, La Cosa Humeda-n joku honen aipamena irakurri nuen. Proba moduan hasi ginen eta, konturatu gabe, semea eta biori lotara joateko ordua eman zigun. Egitura sinplea duten joku hauek benetan oso gustukoak ditut. Poliki poliki buruari eragiten hasten zara eta, azkenean, ez duzu amore ematen maila desberdin guztiak bukatu arte.

Gaur goizean, gosaltzen ari ginela, burura etorri zaizkit gaztaroan eskutartean ibilitako jokuak. Tangram, Master-Mind, Rubik-en kuboa, burnizko iltzekin egindako korapilo haiek,…. Zeinen gustukoa genituen eta zenbat denbora pasatzen genuen buruari eragiten. Nik uste dut joku haiek, egituraz sinpleak baina ebazketa prozesu konplikatuak zituztenak, logika eta estrategia desberdinak erabiltzen ikasteko tresna ezin hobeak izan zirela. Horrelako jokuetan soluzioa ez zen berehala aurkitzen baina pazientzia eta konstantzia puntu batekin arazoei aurre egiten zitzaien.

Susmoa dut, gaur egun, mota honetako jokuak ia desagertu egin direla Olentzeroren zakutik. Iruditzen zait gaurko gazteek erabiltzen dituzten jokuek trebetasun fisikoa bultzatzen dutela gehiago buru-trebetasuna baino. Askotan joku errazak izaten dira, gutxi pentsatu beharrekoak, joku mekanikoak, eskema berdinak etengabe errepikatuz arrakasta erraz lortzen duten horietakoak. Bai, badakit hau ez dela kasu guztietan gertatzen. Badakit ordenadore joku guztiak ez direla tankera honetakoak baina ez dut uste gure seme-alaben Gameboy, Playstation eta horrelakoetan, joku mota hauetako asko erabiltzen direla. Eta nik uste dut honek baduela eragina gero gure ikasleek klasean azaltzen duten jarrerarekin. Erosoak bihurtu dira, egin behar dutena ondo zehaztu behar zaie (jokuen instrukzioak izango bailitzan) eta ariketak egiterakoan errepikatuak izaten badira hobe. Lehenengo zailtasunaren aurrean so egiten dute berehala.

Beno, mezuaren muinara bueltatuz, arestian azaldutako jokuaren egilearen webgunea bisitatu dut eta, hemendik estekaz-esteka saltoka hasi naiz eta, azkenik, logika eta estrategia lantzeko joku pilo bat aurkitu ditut. Hauetako asko, agian, gure ikasleekin erabili ditzakegu tarteka-tarteka; labirintoak, zenbaki puzleak, logika jokoak,…. Hona hemen helbide interesgarri batzuk:

• Pequeños Enigmas
• Juegosdeingenio.org
• Puzzle Ratings
• MathPuzzle
• Erich’s Puzzle Palace
• PQRST

Probatu eta esaidazue zer iruditzen zaizkizuen. Helbide interesgarri gehiago ezagutzen badituzue idatzi lasai ea nire ikasleekin erabiltzeko modukoak diren.

Ah! Ahaztu baino lehen. Ea zenbat denbora behar duzuen joku honen 4. maila pasatzeko!

Bitakora hau martxan jarri zenetik helburu nagusienetako bat irakaskuntza prozesuan baliabide berrien erabilpena bultzatzea izan da. Dagoeneko pasa dira egun dezente eta oraindik atal hori estreinatu gabe daukagu. Hona hemen, beraz, lehen mezua.

Webgune hau topatu dudanean burura etorri zait nire lehen atlas anatomikoa. Argazkiz eta marrazkiz beteriko liburu handi hura. Zenbat denbora pasatzen genuen giharrak, organoak, hezurrak,… ikasten!. Gure etxean anaien arteko lehiaketak ere antolatzen genituen.

Orri honetan organo, gihar, hezurdura eta nerbio sistemaren azalpena sakona egiten da. Elementu bakoitza giza gorputzean dagokion lekuan kokatu behar, kasu bakoitzean orientazio egokia erabiliz. Honekin batera, aukeratutako atal bakoitzaren inguruan datu interesgarriak ematen dira. Merezi du bistazo bat botatzea!