Batzuek oraindik ulertzen ez duten arren, hona hemen Richard Stallman-ek, gaztelera txukunean, esaten diguna.
Honen aurrean, baten batek tajuzko argudioak baldin baditu Software pribatiboarekin jarraitzeko, iruzkinetan aipatzea eskertuko nioke, nik ez baitut argudio bakar bat ere ikusten ditxosozko Windows-a gure ikastetxeetan mantentzeko.
Duela 16 urte, Linus Torvalds Interneten azaldu zen Linux Sistema Eragilearen lehen bertsioarekin. Lehen bertsioak 64 Kb besterik ez zuen pisatzen eta oraindik jaisteko aukera dago. Linuxari buruzko erreportaje bat topatu dut sarean eta zuekin partekatu nahi izan dut. Horra hor erreportajea bost zatitan banatuta.
Webgune interesgarria Santiago de Compostelako Unibertsitateak (USC) abian jarri duena. Wiki formatua duen gune honetan Software Askearen inguruko informazioa lau atal nagusitan bilduko da: dokumentazio orokorra (howto, manualak…), estandarrak (CSS, XML…), lizentziak (CC, GNU/GPL…) eta aplikazioak (OpenOffice, Firefox…). Ekimena nahiko berria dela antzematen, izan ere, aurrean aipatutako ataletako asko oraindik hutsik daude. Gune horren helburu nagusia “a promoción e avance do Software Libre na comunidade universitaria” da eta, helburu horren lorpenaren mesedean, interesgarriak iruditu zaizkit zehazten dituzten azpi-zereginak.
Badakit horrelako gune asko aurki daitezkeela sarean zehar, gehienak ingelesez. USC-ek garatu duen gunea oso-osorik dago galegoz eta, noski, hemendik ikusita ezin dizuet ukatu inbidia apur bat ematen didala. Nik behintzat ez dut ezagutzen Euskal Herri mailan unibertsitaterik antzeko ekimenik euskaraz abian jarri duenik. Nik esango nuke gure artean, euskaraz aurki dezakegun antzeko ekimen bakarra Elgoibarko IMHn egiten ari direna dela. Peio Arreitunandia eta bere taldekideak izugarrizko lana egiten ari dira manualak, bideo-tutorialak, software zerrendak eta abar ekoizten eta denon eskura ipintzen. Ez legoke batere gaizki zertxobait sakabanatuta dagoen lan hori guztia USC-ek antolatu duen antzeko txoko batean antolatuko balute. Gu bezala, software askearen munduan lehen urratsak ematen ari garenok, asko eskertuko genuke horrelako ataritxo bat edozein kontsulta (edo ekarpen, zergatik ez) egiteko. Edozein modutara ere, txalogarria benetan Peio, Kristian, Koro eta konpainia egiten ari diren lana. Eskerrik asko!
LinuxZone gunean irakurri dut albistea. Bertan azaltzen da, baita ere, zein den errepositorio hauek gehitzeko prozedura.
La Web de javielinux blogaren bitartez deb pakete honen berri izan dut. Bertan Ubuntun lehenetsita datorren Nautilus fitxategi kudeatzailerako sortutako 62 script-en bilduma aurkituko dezakegu. Script hauek javielinux berak sortutakoak dira eta hauen bitartez audio,irudi, DVD edota pdf fitxategien gainean hainbat operazio ezberdin burutu ahal izango ditugu, hauetako batzuk oso interesgarriak direlarik ni bezalako hasiberri batentzat.
Eskaintzen dituen aukeren artean garrantzitsuenak hauek izan daiteke:
Paketeak berak scriptek behar dituzten menpeko fitxategi guztiak instalatzen ditu. Bi soilik dira eskuz instalatu beharko ditugun dependentziak: DVD-Slideshow eta DVD-Slideshow-Themes. Bi hauek hemendik jaitsi beharko dituzu script-en instalazioarekin hasi baino lehen.