Kategoria: Denetarik

Tontxu Camposek zuzentzen duen sailak www.ikasle.net izeneko gunea martxan jarri du jazarpena pairatzen duten ikasleek Internet bidez salaketa jarri dezaten.

Egia esan, guneak ez du aparteko gauzarik, 6 dokumentu eta posta elektroniko baten helbidea salaketak, zalantzak… bidaltzeko. Ekimenaren baliagarritasuna ikusteke dago, baina arazoa egon, badago, eta honek laguntzen badu arazoari aurre egiten, gaitzerdi.

Nik albiste hau aprobetxatuz, nahiz eta teknologiarekin zerikusirik ez duen, gogoeta txiki bat egin nahi dut gai honi buruz. Jokinen kasua gertatu zenetik eta, horren ondorioz, hedabideetan arazoari ematen zaion oihartzuna dela eta, hainbat lekutan psikosia zabaldu delakoan nago. Arazoari garrantzia kendu gabe, nik uste dut Estatu Batuetatik iritsitako salaketak jartzearen “moda” gureganatzen ari garela eta, guri iruditzen ez bazaigu ere, horrek babesik gabe uzten gaitu. Irakasleok Hezkuntza Sailak jazarpen kasuetarako protokolo bat proposatzen dueta horixe da jarraitu beharrekoa, gure helduleku bakarra. Baina, title=”Diario Vascoko elkarrizketa CCOOko abogatu bati”>Carmen Peronak Diario Vascon azaltzen dituen kasuetarako zer dugu? Ezer ez.

Hasierako albistera itzuliz, galdera pare bat luzatu nahiko nuke:

• Gisa honetako guneak beharrezkoak ikusten dituzue?
• Irakasleontzat ere jarri beharko lituzkete?

Arazoz beteriko bost urte igaro ondoren, iritsi da etengabe iragartzen zen Internet Explorer 7. Kasualitatez (ohi denez, esan beharko nuke?), bere debutaren egun berean, segurtasun arazo larri bat aurkitu diote. Web diseinatzaileak dardarka edo haserre daude. Estandarrak soberan daude

Hori gutxi balitz, eginiko frogetan, Firefoxen abiadura IEren bikoitza dela egiaztatu dute.

Gauzak horrela, saltsa hauetan gabiltzanok, aspirinak eskura jartzea behar-beharrezkoa izango dugulakoan nago. Hala ere, oso zaila ez bazuten ere, hobekuntza dexentekin datorrela aitortu beharra dago.

Nik, lanarengatik, behar-beharrezkoa dut IE erabiltzea, baina, zalantzarik gabe, Firefox izango da nire nabigatzaile lehenetsia. Jada, asko gara horrela jokatzen dugunok, eta zuk? Zer nahiago duzu? Aspirinak edo lasai bizi?

Erabakia zurea da.

Foro honetan Moodle plataformaz behin baino gehiagotan hitz egin da eta etorkizunean ere mintzagai izango dugulakoan nago. Jakintzako lagunon lan politak aitzakia eman dit berriz ere Moodlez lerro batzuk idazteko.

Gure artean Santurtziko Udal Euskaltegia aitzindaria izan da Moodleren bidez edukiak guztion eskura uzten. Axular Lizeoan bigarrengo urtez ari gara ikasgela birtualarekin lanean. Gure ikasle eta langileentzat 30 ikastaro baino gehiago prestatu ditugu. Horietatik 2 eskuragarriak dira:

• Hezkuntzarako doako softwareaz bat , eta
• Ikasleentzat Moodle ikastaroa bestea.

Bigarrengo hori ez da geuk sortua, euskaratua baizik. Norbaitek Moodleko bere instalazio propioan erabili nahi badu, hemen aurkituko du: http://moodle.org/course/view.php?id=42

Bide batez, azken helbide hori Moodle euskaratzeko foroa denez, guztioi parte hartzeko gonbitea luzatzeko aprobetxatu nahi dut. Izan ere, e-learning plataforma hori de facto estandar bihurtzen ari den bitartean, eta hainbat instituzio eta unibertsitate erabiltzen ari diren bitartean, errealitate gordina zera da: euskaratzeko prozesuan oso jende gutxi ari dela lanean.

Garai batean AEKk hartu zuen lekukoa UEUk eta Santurtziko Udal Euskaltegiak jaso dute. Egun azken hori da lanen koordinatzailea. Oraintxe Santurtziko Euskaltegia, HABE (duela gutxi hasi dena) eta ni neu ari gara lan horretan.

Errealitate gordin horren aurrean, Hezkuntza Sailak Moodlen oinarritutako ikastaro telematikoak DBHn eskaini ditu aurten. EHU ere Moodle erabiltzen ari da… Zeren zain daude erakunde publikoak itzulpenean dirua inbertitzeko?

Kataluniako gobernuak, adibidez, eskatzen duten ikastetxe guztiei Moodleko instalazioa guztiz doan jartzen die bere zerbitzari propioetan. Gainera, Jclic eta quaderns virtualsekin irakasleek azken urteotan prestatutako baliabide-multzo eskerga ez galtzeko Moodlen txertatzeko modulu bereziak garatzen ari dira. MoodleMoot’06 topaketan gutxi barru argitaratuko zituztela iragarri zuten. Irakasleek sortutako 100.000 ariketa baino gehiago dituzte guztion eskura (2.000 inguru euskaraz).

Eta Moodleren garapena ez da gelditzen. Teorikoki hile honetan 1.7 bertsio egonkorra sortuko da (beta aste honetan atera da labetik). Azken aukera izango da 1.5 edo aurreko bertsioak utf formatora pasatzeko.

Bertsio horretan, besteak beste, rol berriak editatu ahal izango dira (administrari, irakaslea eta ikaslearen rolez gain).
Datorren urterako Moodle zerbitzarien arteko komunikazioa (community hub) posible izango da. Ikastaroak eta informazioa gure artean trukatu ahal izango dugu. Gehiago jakiteko: http://docs.moodle.org/en/Roadmap

Oraindik probatu ez dutenentzat hona hemen esteka: http://moodle.org

Kontuz! Adikzioa sortzen du eta!

Azken egunotan, Google Youtube erosteko asmotan dabilela nazkatzeraino irakurri dugu. Bada, ustekabea gaur guk eman duguna: Google erosi dugu!!!. Operazioaren xehetasunak, oraingoz, ez ditugu zabaldu nahi, baina datozen egunetan aurreratuko dizkizuegu operazio honen gorabehera guztiak.

Operazioaren lehen pausua bilatzailearen erosketa izan bada ere, berehala jarri gara lanetan eta euskaratze prozesua azeleratu nahi dugu. Izen euskaldun bat jarri nahi diogu eta zalantzak dauzkagu bi hauen artean: bat eta bi . Baina gure aholkulariak, beti orijinaltasunaren bila, beste hau proposatu digu. Bere iritziz, aldaketaren adierazgarri litzateke eta, gainera, maskota edo logoa prestatzen hasia da.

Nolanahi ere, hauek guztiak proposamenak besterik ez dira. Gehiago esango nuke, proposamenen zirriborroa besterik ez direnez, zuen proposamenak entzuteko prest gaude. Beraz, badakizue, zuen ideiak, ekarpenak, kritikak… jasotzeko prest gaituzue

Honen guztiaren xehetasunak ulertzeko.

Iturria: Mangas Verdes

Eguneraketa: Badirudi gure erosketa honek ekonomia neo-liberalaren zutabeak kolokan jarri dituela eta helbideak aldtu egin dituzte (boikoteatu?). Guk, badaezpada ere, estekak aldatu ditugu, egun hauetan agertzen ari ziren web zaborrak ikus ez ditzazuen.