Azken urteotan arrakasta gehien izan duen agregatzailea bere indarra galtzen hasita zegoen, batez ere Google Reader izugarrizko indarra hartzen ari zelako. Bloglinesen gainbehera nabarmena blog askotan irakurtzen ari ginen eta garbi zegoen aldaketaren bat egin beharko zutela erabiltzaileak galtzen ez jarraitzeko.
Bada, gaur bertan, Blogpocket-en irakurri dut Beta bertsioa atera dutela. Berehala sartu eta frogak egiten aritu naiz. Egia da Google Reader “klonatu” dutela eta ia-ia ez duela ezertxo ere eskaintzen aurrekoak eskaintzen ez duenik. Baina, niretzat, deigarriena abiadura izan da. Ikaragarria iruditu zait aplikazio berri honen abiadura, bai jarioak eguneratzen bai jario horien mezuak kargatzen. Frogatu eta ikusiko duzue.