This album is powered by
BubbleShare
– Add to my blog
Web 2.0 garai hauetan, filosofiak alde batera utzita, inork ez du zalantza izpirik izango ezjakinok probetxu handia ateratzeko moduko baliabide mordoxka topa ditzakegula sarean. Edukiak kudeatzeko tresnez gain (blogak, wikiak, webquestak…), nonahi aurki daitezke hainbat bitxikeria sortu, maneiatu, bihurtu, eraldatu eta argitaratzeko tresnak ere. Bideoak direla, soinuak, komikiak, jokoak, musika, mapak, diagramak, inkestak… denetarik aurki dezakegu zorioneko sarean! Oro har, gainera, bitarteko hauek erabilerrazak izan ohi dira; hizkuntzaren muga da izan dezakegun oztopo bakarra, izan ere, gehientsuenak ingelesez baitaude. Ezbairik gabe, arlo honetan gabiltzanoi beti ederki etortzen zaigu honelakoak eskura izatea.
Denboratxo bat bada baliakizun hauen zerrenda osatzen dihardudala, mota bateko zein besteko errekurtsuekin (nire deliciousen-en ere gordetzen ditut) eta, noiz edo noiz topatu izan ditudan hainbaten berri hementxe eman ere izan dut. Gaurkoan, zerrenda -galbahetik igarota- partekatzea otu zait. Seguruenik zuek ere erabili ohi duzue antzekoren bat edo beste eta horren berri ematera animatzen bazarete, denon artean zerrenda erabilgarri bezain interesgarria sor dezakegu.
Dena den, nire helburua ez da izan zerrenda ahalik eta luzeen egitea, zerrenda amaigabe bat (horretarako deliciousen etiketa jartzea besterik ez dago), nire ustez edonorentzat praktikoak gerta daitezkeenak baino ez ditut sartu bertan, edonork aparteko iaiotasun berezirik gabe minutu pare batean erabil ditzakeenak.
Irudi eta argazki kontuei dagozkienak aipatuko ditut oraingo honetan. Ingeleseko klaseetan, esaterako, dezente erabiltzen ditut ikasleekin. Testu luzeak idatzi ordez, argazkientzako testuak idaztera bultzatzen ditut eta, egia esan, lanketa mota hori ahalbidetzen duten baliabide ugari dago (nork bere burua aurkezteko, istorio laburrak kontatzeko…). Hona hemen, beraz, nik IKTeroetan, euskaljakintzan eta englishjakintzan ikasleekin maiz erabiltzen ditudan errekurtsuak:
Argazki-albumak sortzeko
Slide- Tabblo: argazki albumak, posterrak, liburuak, postalak…
- Goodwidgets: argazkiak inportatu, konfiguratu albuma (koloreak, neurriak…) eta zure blogean argitaratu edo postaz bidali.
- Picturetrail Photo editor: kolorea eta kontrastea egokitu, biratu… (jaitsi egin behar da aplikazioa)
Argazki-albumak sortzeko (hitzak, ahotsa, musika…)
- Slideroll: musika jar daiteke, sarean jartzeko kodea ematen dute eta korreoz ere bidal daiteke.
- Slidestory: audioa sar dezakezu zure argazkiak komentatu edo nahi duzuna kontatzeko. Oso interesgarria. Sarean jar dezakezu.
- Filmloop: argazkiei “bokadiloak” eransteaz gain, eskaintzen dituzten beste irudi batzuk ere gehi dakizkieke. Neurri handiko aurkezpenak egin daitezke.
Flickreko argazkiak erabiliz
- Gickr: zure flicker-eko erabiltzaile izena erabiliz, etiketa bat hautatu eta argazki horiekin irudi-sorta animatua sortu.
- Bubblr: Flicker-eko argazkiak erabiliz zure istorioa “bokadiloetan” idatz dezakezu. Argitaratu, postaz bidali, inprimatu…dezakezu. Oso interesgarria.
- Goodwidgets
Argazki bakar batekin
- Bubblesnaps: erantsi hitzak edo pentsamentuak zure argazkiari
- PikiPimp: zure argazkiari panelean erabilgarri dauden hainbat irudi gehitu.
- Framer: markoa bat ipini zure argazkiari.
- Foto Tagger: etiketak jarri argazkian azaltzen diren pertsona edo objektuei. oso erabilgarria.
Aurpegiak manipulatu
Face manipulation: aurpegiak eraldatu, sudurrak luzatu, belarriak txikitu… Dibertigarria.- Warholizer: Warholen moduko irudiak sortu.
Agirientzako argazkiak
Bilduma batetik ateratako irudiekin (ez zure argazkiekin)
- Dummiez Book Cover Maker: Zure liburu-azala sortu. Irudia gorde dezakezu.
- GlassGiant.com: irudiak, posterrak, dir-dir egiten duten mezuak…
- Imagegenerator:mota guztietako irudiak sortu (txantiloi ezberdinetan oinarrituz).
- Custom sign generator: txantiloi mordo bat irudiak sortzeko.
Zigiluak sortu
- Seal Generator: eredu batzuetatik abiatuz, sortu zure zigilua.
Banerrak sortu
- Bannerbreak: neurri eta kolore ezberdinetako banerrak egin.
Botoiak sortu
- Buttonator: neurri eta kolore ezberdinetako botoiak sortu.
- Webtaller: : botoiak sortu.
