Kategoria: Denetarik

Agur guztioi Venezia ondoan dagoen Mestre izeneko herritik. Bi egun besterik ez zaizkigu geratzen oporrak bukatzeko eta jadanik pentsatzen ari nintzen ez nuela izango aukerarik bidalketatxo bat bidaltzeko atzerritik. Kontua da gaurkoan lehenengoz aurkitu dudala babestu gabeko wi-fi konexio bat. Kroazian pasa ditugun azken hiru asteotan ez dut haririk gabeko konexiorik topatu inon. Ziber-kafe ugari (hori bai, leku turistikoenetan soilik) baina besterik ez. Italiara heldu eta denbora tarte labur baten ondoren hara non azaltzen diren haririk gabeko konexioak nonnahi.

Benetan herrialde polita da Kroazia: balio handiko naturguneak, herri historiko ederrak, klima ederra… Pozik eta gustura bueltatzen gara etxera. Zuetako norbaitek asmorik badu Kroazia bisitatzeko nire del.icio.useko kontua kontsulta dezake. Bertan etxetik irten baino lehen aurkituriko web interesgarri batzuen zerrenda luzea aurkituko duzue

Ikusitako txoko guztien artean Mostarrek zirrara ikaragarria egin dit. Asmoa nuen bertan bizitako sentsazioak (zenbat eta zeinen hunkigarriak!) bidalketa batean islatzeko baina opor hauetan ez daukagu apenas denbora librerik eta ez dit denborarik eman. Nahi baduzue bueltakoan kontatuko dizuet bertan bizitakoa. Bitartean Mostarren jasotako argazkitxo batekin uzten dizuet. Laister arte!

Ahhhh! Eta ahaztu baino lehen!! Igande osoa Veneziatik bueltan pasako dugunez, ez dut aukerarik izango derbia ikusteko, beraz, jaso dezatela txuriurdinek italiatik gure animurik handiena:

Gaur, Diario Vascon albiste hau irakurri dudanean, gauza asko etorri zaizkit burura, baina abuztuan gaudela aintzat harturik, ez naiz gehiegi luzatuko.

Gauza da administrazioak jarraitzen duela Microsoft-ek dituen programei buruzko ikastaroak finantzatzen. Honekin, katea ez da eteten: jendeak programa horiek ikasten ditu, jendeak programa horiek erabiltzen ditu, Microsoft-en hegemonia mantentzen da Billy Gates aberasten den bitartean.

Noiz arraio ikusiko ditugu horrelako ikastaroak OpenOffice eta Firefox bezalako programak ikasteko?

Beste horrenbeste esango nuke administrazioak finantzatzen dituen aplikazioei buruz. Izan ere, oraindik ez ditut ikusi estandarrak eta irisgarritasuna bezalako kontzeptuak, proiektu horiek diruz hornitzeko ezarritako baldintzen artean. Nik uste dut aski dela eta guztion diruarekin administrazioak ezin dituela finantzatu baldintza horiek errespetatzen ez dituzten aplikazioak.

Zer deritzozue horri?

Nahiz eta gero eta gehiago izan euskal blogosferan RSS jarioen sindikazioaren bitartez informazioa biltzeko ohitura dutenak, oraindik asko dira Bloglines eta antzekoak erabiltzera ausartzen ez direnak. Seguruenik hauen artean izango dira gure bloga gustura irakurtzen dutenak ere, tarteka-tarteka, hemendik pasatzen direnak albiste berririk argitaratu ote dugun ikustera.

Hona gure proposamena azken hauentzat:

1. Gonbitea luzatzen dizuegu Bloglines erabiltzen hasteko. Ez badakizue nola egin, botaiozue begia duela aste batzuk argitaratu genuen artikulu honi. Artikulu honen amaieran euskaraz dagoen flash artxibo bat aurkituko duzue aplikazio honen oinarrizko erabilera azaltzen duena.
2. Aurreko atalean emandako azalpenekin oraindik ez baduzue zuen burua Bloglines erabiltzen ikusten, badaukazue beste aukera bat gure bidalketak zuen ekipoan era automatikoan jaso ahal izateko. Gaurtik aurrera, gure blogera epostaz harpidetzeko aukera eskaintzen dugu. Horretarako nahikoa da eskuineko zutabean “ePostaz Harpidetzeko” atalera joatea eta bertan aurkituko duzuen kutxatxoan zuen helbide elektronikoa idaztea. Agertuko den leihotxoan pasahitza idatzi ondoren, emandako helbidean konfirmazio mezu bat jasoko duzue. Emango zaizuen estekan klik egin eta listo! Une honetatik aurrera, gure blogean artikulu bat argitaratzen dugun bakoitzean, zuen postontzian IKTeroen mezu bat jasoko duzue, egun horretan argitaratutako artikulu guztien berri emango dizuena. Hori da dena.

Ikasleekin komiki bat modu erraz batean egin nahi baduzu. Hona hemen behar duzun webgunea: http://www.igrajmo.se/stripgen/
Beharrezko tresnak modu xumean azaltzen dira: pertsonaiak, otartekoak eta objektuak. Aplikaziorik jaitsi gabe, urrats guztiak on line eman daitezke. Emaitzarekin pozik gaudenean, gorde eta ale hop! Komiki egile bihurtu gara!
Irudimen pixka batekin hizkuntza-eskoletan edo plastikan, esaterako, tartetxoa bila diezaiokegu aplikazio honi.
Gainera, ingelesez ongi moldatzen ez bazarete webgunea eslovenieraz ere badago.
Ez horregatik.

Aspaldiko partez ez dut ezertxo ere egin CSSarekin jolastuz, baina CSS Play web orrian egiten dituzten gauzak ikusita, ezin izan dut nire burua errepremitu eta Euskal Herriko mapa turistiko bat egitea otu zait. Garik barka nazala .

Mapa hau egiteko CSSa besterik ez dut erabili eta nabigatzaile guztientzat baliagarria delakoan nago. Kontrakoa bada, iruzkinetan adierazi.

Nik Euskal Herriko mapa batekin egin dut lan hau, baina berdin-berdin egin daiteke beste edozein irudiaren gainean (giza gorputzaren atalak azaltzeko, landareen atalak adierazteko…). Informazioa lortzeko gune ezberdinak erabili ditut, baina Ihesi “Euskal Herriko gida” izan da iturririk garrantzitsuena. Gainera, sagua puntuen gainean jartzerakoan zabaltzen den leihatilaren gainean klik egiteak gida horretara garamatza.

Nik egindako mapa ikusteko klik egin hementxe bertan edo goiko argazkian

Antzeko zer edo zer egiteko asmoa baduzu, hauxe da nik erabili dudan kodea:

CSS

.eh {padding:0; margin:0; list-style-type:none; background:#fff url(/images/euskalherria.gif); width:435px; height:375px; margin:100px 25px 100px 25px; position:relative;}
.eh li a {text-indent:-999px; display:block; width:8px; height:8px; background:#ffcc00; position:absolute; line-height:8px;}
.eh li a em {visibility:hidden; position:absolute;}
.eh li a.dg {top:85px; left:360px;} /*dg= Donibane Garazi eta 85 - 360 dira puntuaren "kordenatuak" argazkian.*/
.eh li a.ma {top:70px; left:410px;} /*ma= Maule eta 70 - 410 dira puntuaren "kordenatuak" argazkian.*/
.eh li a.ba {top:10px; left:305px;}
.eh li a.ir {top:155px; left:280px;}
.eh li a.or {top:110px; left:211px;}
.eh li a.ga {top:152px; left:112px;}
.eh li a.bi {top:50px; left:75px;}
.eh li a.en {top:75px; left:30px;}
.eh li a.el {top:75px; left:130px;}
.eh li a.le {top:35px; left:120px;}
.eh li a.am {top:115px; left:60px;}
.eh li a.ae {top:220px; left:140px;}
.eh li a.ag {top:160px; left:170px;}
.eh li a.ei {top:75px; left:165px;}
.eh li a.do {top:55px; left:230px;}
.eh li a.tu {top:320px; left:310px;}
.eh li a.ar {top:120px; left:260px;}
.eh li a:hover {background:#600; text-indent:0; height:1.2em; font-size:1em; color:#fff; line-height:1em; padding:2px 10px; width:90px;}
/* hack for IE5.x */
* html .eh li a:hover {width:110px; height:1.5em; width:90px; height:1.2em;}
.eh li a:hover em {visibility:visible; margin-left:5px; background:#fff; border:1px solid #600; width:300px; color:#600; padding:25px;font-style:normal; top:-135px; font-family:tahoma, geneva, "lucida sans unicode", "lucida grande", arial, sans-serif; letter-spacing:1px; line-height:1.5em;}
/* hack for IE5.x */
* html .eh li a:hover em {width:200px; width:150px;}
.eh li a:hover em img {border:1px solid #000; display:block; margin-bottom:10px;}
.eh li a:hover em span {display:block; width:0; height:0; overflow:hidden; border:15px solid #fff; border-width:15px 0 15px 15px; border-left-color:#600; position:absolute; left:0; top:128px;}
/* hack for IE5.x */
* html .eh li a:hover em span {width:30px; height:30px; width:0; height:0;}

(X)HTML

<ul class="eh">
<li><a class="ma" href="http://www.argia.com/gida/maule1a.htm">Maule<em><img src="/images/maule.jpg" alt="Argazkiaren izena" title="Argazkiaren izena"/>Hemen, jarri nahi dugun testua idatziko dugu.<span></span></em></a></li>

Eta horrela, banan-banan kokatu nahi ditugun puntu guztiekin.