Kategoria: www eta euskara

Aurreko batean, EGAko atariko probei buruz idatzi nuen. helbide interesgarri bat eskaintzeaz gain, “turismo” pixka bat egiteko aukera ere ematen nizuen. Oraingo honetan, aldiz, harira joango naiz eta sustatun aurkitutako artikulu bat ekarriko dut hona.
Internet&Euskadi elkarteak Euskararen Gaitasun Agiria lortzeko gainditu behar diren atariko frogak http://www.interneteuskadi.org/euskara/ega helbidean zintzilikatu ditu. Guztira zazpi urtetako azterketak kontsultatu daitezke gune horretan, urte bakoitzeko bi edo hiru froga.

Internet&Euskadi elkarteak garatutako aplikazioak galderen erantzun zuzenak zein diren jakitea ahalbidetzen du eta azterketetan jarri ohi diren zenbait audio zati ere entzun daiteke.

Edozein nabigatzailerekin egiteko modukoa
Aplikazioa XML eta HTML formatu irekiak erabiliz programatuta dago, eta edozein nabigatzailetan ikus daiteke. Hala, javascripta aktibaturik izanik aipaturiko atariko frogak egin daitezke, inolako programa berezirik instalatu gabe. Bestalde, ariketa bakoitzak ez du 100 KB baino gehiago betetzen.
Ikusiko duzuen bezala erabiltzeko oso erraza eta erosoa da. Beraz, anima zaitezte!

Sustatun irakurri dut, jada, on-line kontsulta daitekeela Xuxen euskarazko zuzentzaile ortografikoa. Orain aukera duzu testuen zuzenketa egiteko aplikazioa zure ordenadorean instalatu beharrik izan gabe. Hala eta guztiz ere, webgunean zintzilikatuta daude orain arte kaleratu diren aplikazioaren bertsio guztiak. Aukera ezazu zure plataforma eta bulegotika aplikazioa eta dohain jaitsi dezakezu zure ordenadorean instalatu ahal izateko.
Informazio gehiago hemen

EGAko ohiko ariketekin nazkatuta?

Bada betiko materiala modu ezberdinez erabiltzeko garaia!
Azken urte hauetan teknologia berrien erabilera areagotu egin da arlo guztietan dakizuen bezala, baita euskararen arloan ere.
Nafarroako Gobernuko Hezkuntza eta Kultura Departamentuak EGAko atariko proba ordenagailuz egiteko aplikazio informatiko bat garatu du. Aplikazio hau martxan jartzeko Access programa beharrezkoa da eta, ez duzuenok bertatik jaits dezakezue dohainik (Access 97 eta Access 2000 daude eskuragarri).
NONDIK SORTU DA PROGRAMA HAU?
Ikusita ordenagailu batek automatikoki zuzenketak egiteko aukera ematen zuela, eta gainera “Atariko proba” oso ariketa objektiboa zela, “atariko proba” moduko ariketak sartzea bururatu zitzaien irakasle batzuei. Irakasleok hainbatetan ikusten dugu liburuetan eta klasea ematean, azterketak egiten direla, eta ez irakasteko saioak; hau da, ariketak nahasian ematen dira, ez baita ezer zehatzik lantzen. Horrela programa garatu dutenen asmoa zen zerbait irakasten hastea (esaterako mugagabea) eta gero aprobetxatu “atariko proba” horren inguruko ariketak egiteko. Honek atariko probako ariketak gaika sailkatzea eskatzen zuen, gero fotokopiak egin, zatitu, itsatsi, berrantolatu eta… Lan itzela liburuetan! Baina ordenagailu bidez, behin eginda, betiko gelditzen zen erabilgarri sailkatze lan mardul hori. Beraz, programa honetan ariketa guztiak sailkatuta dituzue eta, ondorioz, zeuen esku dago zerbait zehatza lantzea edo ariketak nahasian egitea. Horretarako bi botoi dituzue beheko aldean: “azterketak” eta “aukeraketa”. “Azterketak” botoia sakatuz gero, ariketak nahasian egingo dituzue baina multzoka. Bestea, “aukeraketa” sakatuz gero, sailkapen orokor bat agertuko zaizue, eta honen azpian beste sailkapen zehatzago bat, eta beronen azpian azken sailkapena, zehatzena. Esaterako –> “hiztegia” –> “ animaliak”—->
Bestalde, gaizki egindako ariketen txostena izateko aukera garatu dute (egunen arabera sailkatuta). Horrela paperean atera ditzakezue eta lasai ederrean nahi duzuen tokian berrikusi.
Askoz ere gauza gehiago esan nezake baina onena bertara jotzea izango duzue. Azkenik, honen inguruan interesik badago, hurrengo batean irakasleentzat material honekin klase bat antolatzeko errezeta moduko zerbait emango dut. Baita EGAko azterketak ordenagailu bidez egiteko beste helbide batzuk ere. Animatu eta erabili!

Sustatun irakurtzen dut dagoeneko kalean dela Firefox nabigatzailearen euskarazko bertsio ofiziala. Helbide honetatik deskarga dezakezue:http://www.mozilla.org/products/firefox/all.html.

Oraindik ez baduzu azeria zure ordenadorean agian arrazoi guzti hauek konbentzituko zaituzte.

Atzo izan genuen IKTeroen lehen bilera gure bitakora berri dotorea martxan jarri zenetik. Taldekide guztiek ikusi ahal izan zuten blog berria eta, honez gero, batzuk mezuak zintzilikatzeko irrikitan daude. Bileraren amaieran aurreko egunetan proba moduan idatzi genituen mezuen inguruan hitz egiten jardun ginen. Eta IKTero batek Elhuyar hiztegiaren inguruko mezua gogorarazi zidan. Hau ustekabea konturatu nintzenean gutako askok ez zuela ezagutzen hiztegi hau euskarri digitalean. Hona hemen horietako batzuen aipamena:

Elhuyar hiztegia: benetan tresna eraginkorra. Bilaketa azkarrak egiten ditu eta emaitza askobueltatzen ditu. Azpisarrerak ere aurkitzen ditu: lokuzio edo esamoldeak, lexiak,….

3000 Hiztegia: aurrekoa bezain erabilerraza eta azkarra. EuskalGNU taldeak Firefoxerako plugin bat sortu du. Plugin horren bidez Firefoxen zuzenean kontsulta daiteke Hiztegia 3000. Gaztelaniazko hitza tekleatzen duzu eta euskarara itzultzen dizu pluginak.

Sinonimoen Euskal Hiztegia: sinonimoak eta antonimoak aurkitzen ditu. Harrigarria da kasu askotan ematen dituen erantzunen kopurua (ez nuen espero hainbeste sinonimo edukiko zituenik “ero” hitzak )

AISA Etorkinentzat Irudizko Hiztegia: orain dela egun batzuk Sustatun jasotako albistea hemen uzten dizuet. Hiztegi hau etorkinei zuzenduta dago eta euskara ikasteko lehen urrats bezala erabili dezakezue zuen ikasleekin.

Bukatzeko, helbide interesgarri gehiago topa ditzakezue gure ikastolako web orriko helbide honetan