52 egun baino ez dira falta hurrengo 2009ko EGAko lehenengo deialdi irekirako, eta dagoeneko matrikula egiteko epea zabalik dago. Are gehiago, mugitzen ez bazarete, deialdiaz baliatzeko aukera galtzeko arrisku bizian ikusten zaituztet; izan ere, epea ostiralarekin batera, hilak 23, amaituko baita. Gauzak horrela, lagungarriak gerta dakizkizuekeen hainbat helbide eskura ipintzea otu zait, handik eta hemendik informazioaren atzetik denborarik gal ez dezazuen. Hona, bada, bururatu zaizkidanak:
- EGA 2009 egutegia: 1. deialdia eta 2. deialdia
- Matrikula online egin (iaztik aurrera matrikula online baino ez dago egiterik)
- Azterketaren triptiko informatiboa
- Abian ipintzeko aholkuak
- Azken urteetako azterketak online: 2005-2006 azterketak eta 2003-2004 azterketak
- Euskaljakintza EGA: azterketari buruzko informazioa eta mota ezberdinetako baliabideak (jarduerak atalka, baliabide orokorrak…)
