Gaur bertan Flickreko blogean jakitera eman dute, Flickreko erabiltzaile guztiok gure argazkiak zuzenean editatzeko aukera abian jarri dutela. Horretarako nahikoa da argazki bakoitzaren ondoan dagoen “Edit Photo” botoia sakatzea. Une horretan abian jarriko da Picnik aplikazioa (zerbitzu horretan aurretik kontua sortuta izan behar duzu) eta bertan zure argazkiari oinarrizko edizio aplikatu ahal izango diozu. Facebooken gertatzen denaren antzera, hemen ere plugin edo gehigarri modura sartuta dago; agian, bien arteko integrazioa modu transparenteagoan egitea faltako litzateke. Eskertzekoa da halere Flickreko garatzaileen jarrera aktiboa, sarean topa dezakegun aplikazio interesgarrienetako bat, zerbitzu eta tresna berriak erantsiz, etengabe hobetzen joateko duten konpromisorengatik. Eskerrik asko.