Kategoria: Interneten aurkitutakoak

Bihar, ekainaren 2an, Borroka Eguna deituta dago la pastilla rojan irakur ahal izan dudanez.

Sofwarearen industria Bruselan egiten ari den presioa eta Europar Batasuneko zenbait erakunderen irizpide garbi baten falta direla eta, softwarearen patenteei bidea zabalduta uzten ari zaie. EEBBetako gisako patenteak ezarri nahi dituzte eta Europako Parlamentuak uztailaren 6an 367 bozka beharko ditu ekimen hori bertan behera uzteko. Hori lortu ahal izateko, horretarako antolatu diren mobilizazioetan guztion partaidetza behar-beharrezkoa da.

ANIMA ZAITEZ ETA ZABALDU MEZUA!!!

Gaur ez da oso egun ona izan. Nik uste dut, urte asko pasa eta gero, lana ez dela nere bide ….

Gertakaria hor hasten da baina, nola bukatuko da? Ausartzen al zara istorioa jarraitzen? Gogoratu, arau bakarra lau hizkiko hitzak edo txikiagoak erabiltzea dela.

Adibide bat ikusi nahi baduzu, gazteleraz badago ere, juegos de ingenio web orrialdean aurki dezakezu.

Hementxe duzue gai honi buruzko informazio zehatza

Munduko bilatzailerik famatuena eta erabiliena egiten dutenek beste zerbitzu berri bat abian jarri dute gaur bertan. Zerbitzu honen bitartez, Google-en hasiera orria pertsonalizatzeko aukera ematen digute eta bertan, Gmail korreoa, albisteak, Keyhole … bistaratzeko aukera izango dugu. Hasierako orri horretan norberak zehazten ditu bere edukiak eta probak egiten hasteko helbide honetara joan beharko duzu. Zoritxarrez, oraindik ezingo dugu gure hizkuntzan erabili, aplikazio askorekin gertatzen den bezala, aurkitu dudana ingelesez dago baina nahiko erraz konfigura daiteke. Probatu eta zure iritzia hemen adierazi.

Egun hauetan udarako oporrak non pasatuko ote ditugun erabakitzen ari gara etxean. Niri pertsonalki leku lasaiak, bakartiak,… gustatzen zaizkit, baina orain dela bost urtetik hona familiako oporrak nire semeak agintzen ditu; bere gustuko lekuetara joan behar gara, jakina, hondartza, aquapark, atrakzio parkeak,… eta horrelakoetara. Bufff!! Hondarra ahoan, eguzkitako kremaren kiratsa, atrakzioetako jende ilara amaigabeak,…. A ze suplizioa!. Eta bat-batean bururatu zait ordiziarron artean askotan erabiltzen dugun esamolde hau: “Munduko punta batera nola bestera joan, beti topatuko duzu bertan ordiziarraren bat”. Ez dakit ordiziarrok imaginazio gutxi dugun gure oporrak non pasatu behar ditugun aukeratzerakoan edota, justu alderantziz, munduko izkin guztietan zehar sakabanatzen ote garen.

Gauza bera gertatuko ote da sarean?. Zein da ordiziarron presentzia World Wide Web delakoan?. Orain dela aste batzuk ikastolako webmasterrak webgune batzuk topatu zituen baina horrez gero bilaketak ez ditu fruitu gehiagorik eman. Web horien artean Edurne de Arriba eta Ane Albisu gure ikasle ohien bitakorak topatu zituen. Mezu hau irakurtzen duzuenok beste ordiziarren baten webgunea ezagutzen baduzue sarean, arren helarazi iezaiguzue bere helbidea.

Nahiz eta aspaldiko kontu bat izan, gaur probatu dut lehenengoz Spell with Flickr deritzon aplikazioa. Online aurki daitekeen aplikazio honek Flickr-ek bere datu basean dituen argazkiekin edozein hitz eratzeko aukera eskaintzen du.