Kategoria: Aplikazio berriak

Egizu zure webgunearen segurtasun kopia bat Wget-ekin

Aste gutxi batzuk daramat Ubuntu erabiltzen eta dagoeneko sekulako “feeling”a sortu da bion artean. Datorren ostegunean kaleratuko den 8.04 bertsioaren zain nagoen bitartean “howto” interesgarriak aurkitzen ari naiz sarean zehar. Atzo Flickreko argazkiak kudeatzeko beste modu baten berri eman nizuen. Gaur asko interesatu zaidan beste trukotxo batekin natorkizue.

FOSSwire gunean wget komandoaren erabilera azaltzen dute zerbitzari batean duzun webgune baten kopia bat zure ekipora ekartzeko. Tutorial txiki honen bitartez zure web orriaren CSS fitxategiak, irudiak eta bestelako fitxategiak gorde ahal izango dituzu lokalean, barne lotura guztiak errespetatzen direlarik. Prozesuan kontutan hartu beharreko hainbat xehetasun ere oso modu garbian egiten dira.

Oso aukera interesgarria sarean zehar sakabanatuta ditugun webguneen segurtasun kopiak egiteko. Aspalditik nuen gogoa gure blog honen segurtasun kopia bat egiteko baina Blogsomekin hori egitea ez zen gauza erraza. Oraintxe probatuko dut hemen adierazten den prozedura jarraituz.

Etiquetas: , , , ,

Google Maps: trafiko iragarpena

Zertarako arduratu behar dugu eguraldiaren iragarpenak egiteaz, praktikoagoa eta dibertigarriagoa bait da trafiko iragarpenak egitea, LifeHacker-en kontatzen duten bezala.

Google berritzen jarraitzen du, eta horaingo honetan, funtzio berri batekin datorkigu: lurralde batzuetan, Amerikako Estatu Batuak-o (AEB) inguruan adibidez, trafikoa iragartzeko aukera ematen digu. Ea zortea pixka batekin, hemendik gutxira ikusten dugun aukera hau hemen.

Dirudienez iragarpenak, kontsultatzen ari garen kale edo lurralde eremu berdinean, aurreko egunetan gertatutako trafiko datuetan oinarritzen dira.

Google Earth 4.3 kalean da

Dagoeneko, Google Earth 4.3 bertsioa kalean dugu eta berrikuntza interesgarriekin datorkigu. Hona hemen Google Earth blogean aipatzen dituztenak:

  • Kaleko ikuspegia
  • Irudien datak
  • Nabigazio kontrol berriak
  • 3D eraikin gehiago eta deskarga arinagoa
  • Gaua / Eguna iluminazioa
  • Mac bertsiorako flash inplementazioa
  • Sky modura trantsizio azkarragoa

Horra hor bideo bat hori guztia hobeto ikusteko.

Wikispaces pertsonaliza daiteke

Wikispaces zerbitzuak arrakasta itzela lortu duela irakaskuntza munduan ukaezina da. Geroz eta gehiago dira plataforma honetan sortutako wikiak. Arrakastaren gakoetako bat zerbitzuak izan dituen etengabeko hobekuntzak izan daiteke, izan ere, hasierako aplikazio sinplea poliki-poliki tresna konplexu eta aberats batean bilakatu da.

Dena den, beti bota dut faltan wikiak pertsonalizatzeko aukera handiagoa. Zerbitzuak eskaintzen dituen diseinu propioak oso gutxi eta, era berean, nahiko kaxkarrak dira. Aplikazioaren ataria bera euskaratzeko ezinezkoa zen. Tira, horrek guztiak irtenbidea baduela konturatu nahiz gaur bertan. Honen inguruan gehiago jakin nahi duenak irakasleon txokoa den ZirIKTeroen gunean azaltzen da nola burutu daitekeen hau guztia.