Irakasle gehienok ederki ezagutzen dugun Clic aplikazioak albiste ona dakarkigu. Kataluniako gobernuak aplikazioa Moodlen bertan erabiltzeko moduloa prestatu du. Hemendik jaits daiteke: https://projectes.lafarga.cat/frs/?group_id=13
Gainera, irakasleek egindako jarduera asko guztion eskura daude, batzuk euskaraz (http://clic.xtec.cat/db/listact_ca.jsp).
Geure ikasgela birtualean instalatu eta ongi dabilela dirudi. Bide batez, euskaratu egin dut.
Hizkuntza-fitxategiak hemen eskura daitezke.
Jarduerak lehendik prestatuak zituztenek orain Moodlen bertan erabil ditzakete, eta beste guztiek garaiz dabiltza modulo berria probatzeko.
Laguntza behar izanez gero, Aníbal de la Torreren bitakoran informazio ona, sakona eta ulerterraza ematen da.
Ondo pasa!