Hiru egun besterik ez dira pasa Ordiziako azokaren V. mendeurrenaren inguruan egindako infografia argitaratu genuenetik eta benetan pozik gaude guztiok gure lanak izan duen oihartzunarekin.
Gure lana Sustaturen portadara heldu da eta asko izan dira Twitter-en gure lanaren berri eman dutenak.
Han–hemenka jasotako ekarpenei erantzun nahian jatorrizko infografiaren bertsio berri bat prestatu dugu. Bertsio berri hau webguneetan (batez ere blogetan) hobe ikusten da, izan ere, zutabe estu eta luze moduan diseinatuta dago, blogetako artikuluen ohiko formatura askoz hobe egokitzen dena..
Egitura aldaketaz gain, bertsio berri honek izan du, baita ere, murrizketa txiki bat. Izan ere, jatorrizko bertsioaren hondoan agertzen zen Ordiziako Plaza Nagusiaren irudia kendu behar izan dugu, konplikatuegia baitzen modu txukun batean kokatzea antolaketa berrian. Dena dela, aspalditik azokaren zaindari ixila den Plaza nagusiaren irudirik gabe, bertsio luzea jatorrizkoa bezain dotorea geratzen dela pentsatzen dugu 😉
Azpian ipintzen ditugu bertsio bien irudiak baita bereizmen altuko pdf fitxategiak eta jatorrizko svg fitxategiak ere.
Ordiziako Azokaren V. Mendeurrenaren Infografia (jatorrizko bertsioa)
Jaitsi pdf fitxategia (11,9 Mb)
Jaitsi svg fitxategia (19,5 Mb)
Ordiziako Azokaren V. Mendeurrenaren Infografia (bertsio luzea)
Jaitsi pdf fitxategia (9,6 Mb)
Jaitsi svg fitxategia (16 Mb)
